نكت مغربية
الزيارات:
الزيارات:
هادو جوج بڭرات كانوا غاديين.
سولت وحدة فيهم البڭرة الأخرى: كيخلعك هاداك المرض اللي كيقولوا عليه جنون البقر؟
جاوبتها البڭرة: لا، حيت أنا دجاجة
----------------
هادوا جوج كانوا خدامين، وهو يقول واحد فيهم لصاحبو: أنا نقدر نخلي الشاف يعطيني اليوم كونجي.
قال ليه صاحبو: وكيفاش غادي تدير ليها؟
قال ليه لاخور: شوف وتعلم.
مشى السيد تعلق من السقف من رجليه. ملي جا الشاف قال ليه: مالك معلق هاكا؟
قال ليه الخدام: راني بولة.
وهو يقول ليه الشاف: راك كتخدم بزاف قربتي تسطى. سير اليوم للدار ترتاح، راك كونجي.
شوية وهي يتم الخدام التاني تابع صاحبو. قال ليه الشاف: أجي نتا، فين غادي؟
قال ليه الخدام التاني: غادي للدار، ما نقدرش نخدم ف الضلام.
----------------
هادا واحد الراجل كان ڭالس ف طوبيس عامر ومغمض عينيه.
جا عندو واحد السيد وسولو: خويا مالك ياكما مريض؟
قال ليه لاخور: لا، غير ما كنحملش نشوف عيالات شارفات واقفين ف الطوبيس
-----------------
هادو جوج دراري كانوا مدابزين ف القسم.
جا الأستاد لقاهم ف ديك الحالة وسولهم: مالكم على هاد الصداع؟
قالوا ليه: لقينا 100 درهم، واتفقنا اللي قال أكبر كدبة ياخدها.
قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.
وهوما نيت يعطيوه دوك الدراري 100 درهم
0 التعليقات:
Enregistrer un commentaire